གཉིས་པ་དངོས་གཞི་ནི་ མདུན་གྱི་ནམ་མཁར་རྗེ་བཙུན་སྒྲོལ་མ་ལ་སངས་རྒྱས་བྱང་སེམས་ཉན་རང་ཆོས་སྐྱོང་སོགས་སྐྱབས་ཡུལ་རྣམས་ཀྱིས་བསྐོར་(བར་གསལ་བཏབ) སངས་རྒྱས་ཆོས་དང་ཚོགས་(མ་དང་) སེམས་ཅན་ཐམས་ཅད་(སོགས་སྐྱབས་སེམས་ལན་གསུམ) ཨོཾ་པོ་ཊ་ལ་(སོགས་སྒྲོལ་མའི་མཆོད་འབུལ་བསྟོད་པ་སོགས་ཚར་གང་མང་ཐོན་རྗེས། སྐྱབས་ཡུལ་རྣམས་རང་དང་བསྲུང་བྱར་བསྟིམ། གླུད་ཡས་རྣམས་ལ་ཡོན་བདག་གིས་ཧས་བཏབ། དེ་ནས་འདི་སྐད་དུ) ཨོཾ་ཐ་གུ་ན་གུ་ད་གུ་སྭཧཱ། (ཉེར་གཅིག་འདོན་ལ) ནཿམོསངས་རྒྱས་ཀྱི་བཀའ་བདེན་པ་དང་། ཆོས་ཀྱི་X། དགེ་འདུན་གྱིX། གསང་སྔགས་དང་X། རིགས་སྔགས་དང་། གཟུངས་སྔགས། སྙིང་པོ་དང་ཕྱག་རྒྱ་སྔགས་ཏིང་ངེ་འཛིན་གྱི་བདེན་པ་དང་། ཆོས་ཉིད་དེ་བཞིན་ཉིད་དང་ཆོས་ཅན་རྒྱུ་རྐྱེན་རྟེན་འབྲེལ་བསླུ་བ་མེད་པའི་བདེན་པ་དང་། བདེན་པ་ཆེན་པོའི་བྱིན་རླབས་ཀྱི་རྒྱུ་སྦྱོར་སྦྱིན་པའི་བདག་པོ་(ཆེ་གེ་མོའི)ཚེ་སྲོག་ལ་གནོད་པ་བྱེད་པའི་ལོ་སྲི། ཟླ་སྲི། ཞག་སྲི། དུས་སྲི། དུར་སྲི། ཆེ་སྲི། ཆུང་སྲི། རྒན་སྲི། གཞོན་སྲི། དར་སྲི། རྒུད་སྲི། ལོ་རྒྱལ་པོའི་ཀེག། ཟླ་བ་བློན་པོའི་ཀེག། ཞག་དམག་མིའི་ཀེག། དུས་ཚོད་མཚོན་ཆའི་ཀེག། ཀེག་རིགས་སུམ་བརྒྱ་དྲུག་ཅུ། གདོན་རིགས་སྟོང་ཕྲག་བཅོ་བརྒྱད། རྐྱེན་ངན་ཉི་ཁྲི་ཆིག་སྟོང་། ཡེ་འབྲོག་སུམ་བརྒྱ་དྲུག་ཅུ། ནད་རིགས་བཞི་བརྒྱ་རྩ་བཞི། རྨི་ལྟས་མཚན་མ་ངན་པ། ལྷ་ཡི་བཀའ་ཆད་གཏོང་བ། ཀླུ་ཡི་མཛེ་ནད་གཏོང་བ། བདུད་ཀྱི་ཁྲམ་ལ་བཏབ་པ། བཙན་གྱི་ཞགས་པ་འཕེན་པ། གཟའི་གཟེར་མདའ་ཟུག་པ། ཐེའུ་རང་སྲི་ལ་རྐུ་བ། བན་བྱད་། བོན་བྱད་། དུས་མ་ཡིན་པའི་འཆི་བ་ཐམས་ཅད་མར་མེ་བཞིན་དུ་ཆུས་སོད་ཅིག། ས་བོན་བཞིན་དུ་ཆུས་ཤིག་ཅིག། འཇག་མ་བཞིན་དུ་ཆུས་ཁྱེར་ཅིག། ཆག་ཆེ་བ་དང་ཉམ་ང་བ་ཐམས་ཅད་མེད་པར་གྱུར་ཅིག། སྟོངས་པར་གྱུར་ཅིག། བརླག་པར་གྱུར་ཅིག། ཞི་བར་གྱུར་ཅིག། རབ་ཏུ་ཞི་བར་གྱུར་ཅིག། (ཅེས་པ་ཉེར་གཅིག་མ་སོང་བར་དུ་མར་མེ་ས་རྡོག་འཇག་མ་བཅས་ཡོན་བདག་ལ་བསྐོར་བའི་ཚུལ་གྱིས་ཕོར་པའི་ཆུ་ནང་དུ་དོར་ལ། མཇུག་ཏུ་ཐལ་མོ་ལན་རེ་བརྡབ) རཾ་ཡཾ་ཁཾ། ཨོཾ་ཨཱཿཧཱུཾ(གིས་བྱིན་གྱིས་རློབས) ཧཱུཾཿ དངོས་པོ་གཏོང་བའི་གླུད་འདི་གཏོང་། མི་འདིའི་ལུས་ངག་ཡིད་གསུམ་གྱི། ནད་གདོན་མ་ལུས་ཞི་གྱུར་ཅིག། མི་ལས་དགའ་བའི་གླུད་གཏོར་འདི། བཀའ་སྡོད་དམ་ཅན་རྒྱ་མཚོ་དང་། འདྲེ་ངན་ཕྲ་མོ་ཡན་ཆད་ཀྱི། ཆེ་འབྲིང་ཆུང་གསུམ་ཐམས་ཅད་ལ། ནད་པའི་ཚབས་སུ་གླུད་འདི་བསྔོ། མི་འདི་ནད་ལས་གྲོལ་གྱུར་ཅིག། ཁྱོད་རྣམས་གླུད་འདིས་ཚིམ་གྱུར་ཅིག། (ཅེས་བསྔོ་གླུད་ལག་ཏུ་ཐོགས་ཏེ) ཁྱེར་ཅིག་ཁྱེར་ཅིག་སྟོབས་ལྡན་རྣམས། སྲིད་དང་ཆགས་དང་ཞེན་པ་དང་། དྲན་དང་བཟུང་དང་བསམ་དང་རེག། གློད་དང་ཞི་དང་གྲོལ་བར་མཛོད།། ཕྱག་འཚལ
དེ་ཉིད་གསུམ་རྣམས་X(སོགས་ནས) རབ་མཆོག་ཉིད་མ། །(ཅེས་བརྗོད་ལ་ཐལ་མོ་བརྡེབ། གསུམ་པ་རྗེས་ཀྱི་བྱ་བ་ནི། དེ་ནས་ཕོར་པ་བཀྲུས་ལ་བསྡུ། གླུད་ཡས་རྣམས་ཆུ་བོ་ཆེན་པོར་དོར་རོ། མཇུག་དུ་གདུགས་ཤེར་སེང་གསུམ་གྱི་བཟློག་པ་བྱ། སྲུང་འཁོར་བསྒོམ། སྒྲོལ་དཀར་སྔོན་གྱི་བསྟོད་པ་འདོན་པ་དང) བཅོམ་ལྡན་འདས་མ་(སོགས་ཀྱི་འདོད་དོན་ལ་གསོལ་བ་གདབ། ཚེ་གཟུངས་རིགས་འདོན། བཀྲིས་སྨོན་ལམ་སོགས་ཀྱིས་མཐའ་བརྒྱན་པར་བྱའོ། །) དགེ་སློང་བཀྲིས་དོལ
ལྡན་ནས་པར་དུ་བསྐྲུན་པས་འགྲོ་ཀུན་ཚེ་ཡི་རིག་འཛིན་ཐོབ་པའི་རྒྱུར་གྱུར་ཅིག། །
No comments:
Post a Comment